თბილისის საკრებულოს ფრაქცია ,,ერთიანი ნაციონალური მოძრაობის” თავმჯდომარის მოადგილე, სოფო ჯაფარიძე საგანგებო ბრიფინგზე განცხადებას აკეთებს საქართველოს მე-3 პრეზიდენტის, მიხეილ სააკაშვილის ჯანმრთელობის მძიმე მდგომარეობასთან დაკავშირებით:
,,მაისის შემდგომ განსაკუთრებით ხშირად საჭიროებს ის სისხლის გადასხმას. სამწუხაროდ, ამ ყველაფერს ძალიან ხშირად თან ახლავს რიგი გართულებები. მათ შორის, რამდენიმე დღის წინ იყო მძიმე ალერგიული რეაქცია.
სამედიცინო პერსონალისგან სიგნალები მოდის, ისინი შიშობენ იმის გამო, რომ შეიძლება მდგომარეობა ვეღარ დაიჭირონ.
მიხეილ სააკაშვილის სამედიცინო დოკუმენტაციაში არაერთი შეუსაბამობა და ურთიერთგამომრიცხავი ჩანაწერებია.
მივმართავ სახალხო დამცველს, ჩვენს საერთაშორისო პარტნიორებს – დაუყოვნებლივი რეაგირება მოხდეს ამ ყველაფერთად დაკავშირებით!
რამდენიმე დღეში გაიხსნება მიხეილ სააკაშვილის საზოგადოებრივი მისაღები. ის მზად არის თქვენთან დიალოგისთვის. მას ძალიან დიდი სურვილი აქვს, როგორც ყოველთვის, თქვენთან, ჩვენს მოქალაქეებთან იყოს უშუალო კომუნიკაციაში. გელოდებით ყველას, ვისაც სურვილი გაქვთ, რომ მას მიაწვდინოთ ხმა”, – განაცხადა სოფო ჯაფარიძემ.
ავტორი
ნინი ხიჯაკაძე
