ანალიტიკოსი ზაალ ანჯაფარიძე უკრაინაში მიმდინარე ომთან დაკავშირებით კონკრეტულ შეფასებებს აკეთებს:
“უკრაინაში ომის დასრულებას ელოდება ყველა, იმათ გამოკლებით ვინც ამ ომზე დიდ ფულს შოულობს და კიდევ სხვა სტრატეგიულ სარგებელსაც იღებს.
ომის დასრულებას რაღაც დოზით მაინც სჭირდება კომპრომისები მეომარი მხარეების მხრიდან. თუმცა, მთელი უბედურება იმაშია, რომ უკრაინაში მხარეებმა უკვე იქამდე შეტოპეს, რომ ვერცერთი შესაძლო კომპრომისი ვერ გაამართლებს უკვე გაღებულ მსხვერპლს, როგორც ერთი ისე მეორე მხრიდან.
ამას გარდა, არცერთ პირდაპირ თუ ირიბად ჩართულ მხარეს არ სურს გამოჩნდეს სუსტი, რადგანაც კარგად აცნობიერებს ამის თანმდევ შედეგებს.
ამიტომაც, ქვეყნების ლიდერები, მიუხედავად კულისებსმიღმა ფარული შუამავლების რაღაც ფაფხურისა, არ ჩქარობენ და არც იჩქარებენ რეალური სამშვიდობო პროცესის დაწყებას“, – წერს ფეისბუქის პირად გვერდზე ზაალ ანჯაფარიძე.
