საქართველოს პარლამენტის თავმჯდომარე, შალვა პაპუაშვილი ჟურნალისტებთან კრიტიკულ კომენტარს აკეთებს ,,ერთიანი ნაციონალური მოძრაობისა’’ და საქართველოს მე-4 პრეზიდენტის, გიორგი მარგველაშვილის შესაძლო მოკავშირეობის შესახებ:
,,სკანდალი გამჟღავნდა, რომ კავშირი არის არა მხოლოდ ,,ნაციონალურ მოძრაობასა” და გიორგი მარგველაშვილს შორის, არამედ არსებობს გეგმები, რომ გიორგი მარგველაშვილი გახდეს ,,ნაციონალური მოძრაობის” პირდაპირი მოკავშირე.
ჩვენ ვნახეთ, რომ ერთმა ყოფილმა პრეზიდენტმა, მიხეილ სააკაშვილმა დააორგანიზა ეს ყალბი კამპანია საქართველოს წინააღმდეგ, მეორე ყოფილმა პრეზიდენტმა, გიორგი მარგველაშვილმა განახორციელა ეს ყალბი დეზინფორმაციის კამპანია საქართველოს წინააღმდეგ.
სამწუხაროდ, მოქმედი პრეზიდენტი, ქალბატონი სალომე ზურაბიშვილი ამაზე საერთოდ არაფერს არ ამბობს, არადა საინტერესო იქნებოდა მისი აზრის გაგება – რას ფიქრობს ის, როდესაც გამჟღავნდა, თუ რამხელა მანქანა იყო ჩართული იმისთვის, რომ მომხდარიყო საქართველოს დისკრედიტაცია და საქართველოს ხელისუფლების, მათ შორის, თავად პრეზიდენტის შანტაჟი მომხდარიყო იმისთვის, რომ მიხეილ სააკაშვილი დაეხსნათ სასჯელაღსრულების დაწესებულებიდან.
თქვენ იცით და ნახეთ, მათ შორის აღმოჩნდა, რომ ამერიკის შეერთებული შტატების საელჩოს თანამშრომელიც კი იყო ჩართული”, – განაცხადა შალვა პაპუაშვილმა.
ავტორი
ნინი ხიჯაკაძე
