საქართველოს პარლამენტის წევრი, ,,სტრატეგია აღმაშენებლის“ გენერალური მდივანი, პაატა მანჯგალაძე კომენტარს აკეთებს საქართველოს მე-4 პრეზიდენტი, გიორგი მარგველაშვილი ,,გამარჯვების პლატფორმასთან” შესაძლო შეერთებასთან დაკავშირებით:
,,არა თუ მარგველაშვილის, თითოეული ადამიანის შემოსვლა ამ პლატფორმაზე არის ძალიან მნიშვნელოვანი. განსაკუთრებით, როცა საუბარია ყოფილ პრეზიდენტზე. რა თქმა უნდა, ჩვენ ყველა პროდასავლურ ძალას და ლიდერს მივესალმებით, მაგრამ ხვეწნა-მუდარას ვერ დავუწყებთ ვერავის. ვინც გამოთქვამს სურვილს, ამის შემდეგ, გამოვხატავთ ჩვენს პოზიციას.
ისე არავისზე დევნას არ ვაპირებთ. ჩვენ ვუდგებით სერიოზულად, ვინც ფიქრობს, რომ ღლაბუცით უფრო მეტ ხმას მიიღებს, გააგრძელოს ღლაბუცი. ვერ გავეკიდები ახლა, ყველა ძაღლს ქვას ვერ ვესვრი. იმიტომ, რომ დიდი გვაქვს მიზანი“, – განაცხადა პაატა მანჯგალაძემ.
ავტორი
ნინი ხიჯაკაძე
