საქართველოს პარლამენტის წევრი, ,,სტრატეგია აღმაშენებლის“ გენერალური მდივანი, პაატა მანჯგალაძე კომენტარს აკეთებს 2024 წლის საპარლამენტო არჩევნებისთვის, როგორი უნდა იყოს ოპოზიციური სპექტრის სტრატეგია:
,,ზუსტად გვაქვს გაანალიზებული ის შეცდომები, რასაც წლების მანძილზე ოპოზიცია უშვებდა არჩევნების დროს. არცერთ ამ შეცდომას არ გავიმეორებთ!
ჩვენ არ ვამბობთ, რომ არ გვჭირდება სხვა ძლიერი ცენტრები, – გვჭირდება. ჩვენ არ ვაპირებთ ტალახის სროლას და კინკლაობას ოპოზიციურ პარტიებთან.
ოპოზიციურ პარტიებთან კინკლაობა ნიშნავს უკვე არსებული ოპოზიციის ხმებს შორის გადანაწილებას და ჩვენ არსებული ხმების გადანაწილებისთვის კი არ უნდა ვიბრძოლოთ, არამედ ,,ქართულ ოცნებას” პროდასავლურად განწყობილი ელექტორატის ძირითადი მასა რომ ჩამოაკლდე.
ეს უნდა იყოს მიზანი, მაგრამ ზოგ ოპოზიციურ პარტიას არეული აქვს ეს მიზანი და ჰგონია რომ ,,სტრატეგია აღმაშენებლისა’’ და ,,ნაციონალური მოძრაობის’’ ერთობას თუ ჩამოაკლებს 2% და ბარიერს გადალახავს, ეს არის ეროვნული ამოცანა. გეუბნებით, ეროვნული ამოცანა არის საქართველოს რუსული რეჟიმისგან განთავისუფლება”, – განაცხადა პაატა მანჯგალაძემ.
ავტორი
ნინი ხიჯაკაძე
