“ჩემი შვილის თითქმის 2 წლიანი ციხეში ყოფნა ემსახურება იმას, რომ როგორმე თავიდან მოიშორონ ანუ მოკლან!” – გიული ალასანია

საქართველოს მე-3 პრეზიდენტის ჯანმრთელობის მდგომარეობასთან დაკავშირებით ემოციურ შეფასებას აკეთებს მიხეილ სააკაშვილის დედა, გიული ალასანია:

,,ყოველთვის, როცა ხდება ჩემი შვილის მიმართ გააქტიურება, უცებ რაღაცა მორიგი სიბინძურე ჩნდება, რომ გადაფარონ ის კარგი, რაც მოხდა.

ჩემი შვილის თითქმის 2 წლიანი ციხეში ყოფნა, რა თქმა უნდა, ემსახურება იმას, რომ ჩემი შვილი როგორმე თავიდან მოიშორონ ანუ მოკლან! ამას ემსახურებოდა მისი მოწამლვა, წამება და ყველაფერი, რაც მან გამოიარა.

ახლა, ადამიანი არის უკიდურს მდგომარეობაში. ამასაც მე ვხედავ ყოველ შესვლაზე. კახექსიური არის, ფაქტია, ცარიელი ძვალი და ტყავია. ახლა რას უნდა ველოდო?!..“, – განაცხადა გიული ალასანიამ.

ავტორი
ნინი ხიჯაკაძე