“ჩვენ გვაქვს ძალიან კარგი პრაქტიკა 2018 წლის, როდესაც “ნაციონალური მოძრაობა” და “სტრატეგია აღმაშენებელი” თანამშრომლობდა” – პაატა მანჯგალაძე

საქართველოს პარლამენტის წევრი, ,,სტრატეგია აღმაშენებლის” გენერალური მდივანი, პაატა მანჯგალაძე კომენტარს აკეთებს ,,ერთიან ნაციონალურ მოძრაობასთან” თანამშრომლობასთან დაკავშირებით:

,,ჩვენ გვაქვს ძალიან კარგი პრაქტიკა 2018 წლის, როდესაც ,,ნაციონალური მოძრაობა” და ,,სტრატეგია აღმაშენებელი” თანამშრომლობდა. ფაქტიურად, გაყალბების მიუხედავად, ამ საარჩევნო სუბიექტმა მოუგო ,,ქართული ოცნების” კანდიდატს [საპრეზიდენტო არჩევნებზე]. ჩვენ ვაპირებთ ამ პრაქტიკის და გამოცდილების გაზიარებას.

თუ ერთი და იგივე სახელით გამოვალთ ან ,,სტრატეგიას” დავირქმევთ, ან ,,ნაცმოძრაობას” – ამით ხო არაფერი არ იცვლება?!

ჩვენ პარტია კი არ გვჭირდება, არამედ დიდი მოძრაობა. ტექნიკურად თუ საჭირო იქნება, გამოვალთ 5 ნომრით. მეტი რამე იცვლება?”, – განაცხადა პაატა მანჯგალაძემ.

ავტორი
ნინი ხიჯაკაძე