კიევში, საქართველოს მე-3 პრეზიდენტის მხარდამჭერი ფორუმი გაიმართა, სადაც განცხადება გააკეთა უკრაინის უმაღლესი რადას, ფრაქცია “ხალხის მსახურის” თავმჯდომარემ, დავით არახამიამ:
,,მე მგონია, რომ საქართველოს ხელისუფლებას აქვს შიში, თუ მიხეილ სააკაშვილს გაათავისუფლებენ, ის იქცევა ძლიერ პოლიტიკურ მოთამაშედ მომავალ შემოდგომას დაგეგმილ არჩევნებზე.
სააკაშვილის მდგომარეობაზე 100%-ით პასუხისმგებელი არის საქართველოს ხელისუფლება. ისინიც კარგად ხვდებიან ამას, ამიტომ სააკაშვილთან დაუშვეს ევროპელი ექიმები.
თუ სააკაშვილს რამე მოუვა, ეს იქნება მკვლელობა!
მე, როგორც სახალხო დეპუტატი, მივმართავ უკრაინის გენერალურ პროკურატურას დაიწყოს გამოძიება მკვლელობის მომზადების საქმეზე.
ჩვენ მივიღეთ დადგენილება უმაღლეს რადაში. ახლა კი საჭიროა ბევრი ვიმუშაოთ, რომ ევროპის რაც შეიძლება ბევრი ქვეყნის პარლამენტმა მიიღოს ანალოგიური დადგენილება. თუ იქნება 10 ევროპული ქვეყნის დადგენილება მაინც, საქართველოს ხელისუფლებას არ ექნება სხვა არჩევანი“, – განაცხადა დავით არახამიამ.
ავტორი
ნინი ხიჯაკაძე
