“ევროკავშირზე თავდასხმა არ დამთავრდება კარგად თვითონ “ქართული ოცნების” ხელისუფლების წარმომადგენლებისთვის” – სერგო ჩიხლაძე

,,სტრატეგია აღმაშენებლის” პოლიტიკური საბჭოს წევრი, სერგო ჩიხლაძე კომენტარს აკეთებს მმართველი პარტიის ლიდერების რიტორიკაზე ევროპარლამენტარებთან მიმართებაში:

,,ბოდიში ვინც უნდა მოიხადოს, ეს არის ,,ქართული ოცნება” და მისი ხელისუფლება. მათ ბოდიში უნდა მოუხადონ ქართველ ხალხს.

ევროპარლამენტარებზე, ევროკავშირზე თავდასხმა არ დამთავრდება კარგად თვითონ ,,ქართული ოცნების” ხელისუფლების წარმომადგენლებისთვის.

სანქციების სია დიდია. ყველა პრორუსი, რუსეთის მოკავშირე და ა.შ. საბოლოო ჯამში, ან დასანქცირდება, ან სერიოზული პრობლემები შეექმნებათ დასავლეთში. ამაზე იფიქროს ბატონმა პაპუაშვილმა და ,,ოცნების” სხვა ლიდერებმა”, – განაცხადა სერგო ჩიხლაძემ.

ინფორმაციისთვის: ,,ქართული ოცნების” ლიდერები ევროპარლამენტარებისგან ბოდიშის მოხდას მოითხოვენ იმის გამო, რომ მათ მიხეილ სააკაშვილის მხარდამჭერი განცხადებები გააკეთეს.

ავტორი
ნინი ხიჯაკაძე