პრემიერ-მინისტრი, ირაკლი ღარიბაშვილი საქართველოს სხვადასხვა რეგიონის მოსახლეობას ხვდება, რა დროსაც მხარდამჭერების ემოციური მხადაჭერა ფიქსირდება, თუმცა მედიაში გავრცელდა კადრები, რომლის მიხედვითაც ერთი და იგივე პირები რამდენიმე ლოკაციაზე დაფიქსირდნენ. თემასთან დაკავშირებით პოლიტიკურ შეფასებას აკეთებს საქართველოს პარლამენტის წევრი, ,,სტრატეგია აღმაშენებლის” გენერალური მდივანი, პაატა მანჯგალაძე:
,,პარალელურ რეალობას ქმნიან, რომ ხალხი ბედნიერია ღარიბაშვილს როცა ხედავს, 2 მიზეზით:
პირველი, დედა დედაა, მამა მამაა – ეს ღარიბაშვილის საოცარი გამარჯვებაა, არა და 5 000 წელია ასეა.
მეორე, რომ – ჩვენ მშვიდობა მოგვიტანეს!
როგორც არ არსებობს ოპოზიციაზე აღშფოთებული ადამიანები, რომლებიც ქვებს ისვრიან და ეს არის დადგმული, ისევე დადგმული იყო ღარიბაშვილით და ,,ქართული ოცნებით” აღფრთოვანებული ადამიანების ყველა ის შეხვედრა, – განაცხადა პაატა მანჯგალაძემ.
ავტორი
ნინი ხიჯაკაძე
