“ადამიანებს ავალებენ, რომ პრემიერ-მინისტრი, სადაც მივა ყველგან უნდა გადაუხადონ მადლობა გამოგონილი მშვიდობისა და სტაბილურობისთვის” – ანა წითლიძე

პრემიერ-მინისტრის, ირაკლი ღარიბაშვილის რეგიონალურ შეხვედრებს ალტერნატიული რეალობის შექმნას უწოდებს პარლამენტის ფრაქცია ,,ერთიანი ნაციონალური მოძრაობა – ძალა ერთობაშიას” წევრი, ანა წითლიძე:

,,საქართველოს ხელისუფლება ცდილობს, რომ რაღაცა გამოგონილი და ალტერნატიული რეალობა შექმნას საქართველოს მოქალაქეებისთვის ამ ქვეყანაში, რომ თითქოს საქართველოს მოქალაქეები მას მადლობას უხდიან, როდესაც ის დადის რეგიონებში.

რეალურად, დაატარებენ საჯარო მოხელეებს, რომლებიც დასაქმებული ჰყავთ ,,აიპიებში”, ,,სიპებში”, ხელფასებს უხდიან საქართველოს მოქალაქეების მიერ გადახდილი გადასახადებით. ამ ადამიანებს ავალებენ იმას, რომ საქართველოს პრემიერ-მინისტრი, სადაც მივა თითქოს ყველგან უნდა გადაუხადონ მადლობა გამოგონილი მშვიდობისთვის და სტაბილურობისთვის”, – განაცხადა ანა წითლიძემ.

ავტორი
ნინი ხიჯაკაძე