,,ქართული ოცნების” თავმჯდომარე, ირაკლი კობახიძე თავის პოზიციას აფიქსირებს საქართველოს პრეზიდენტის, სალომე ზურაბიშვილის მიერ ,,მთავარი არხის” დამფუძნებლის, ნიკა გვარამიას შეწყალებასთან დაკავშირებით და აცხადებს რომ გვარამიას შეწყალება კონკრეტულ ძალებს მიერ გარკვეული მიზნისთვის მოხდა:
,,ჩანს, თუ ვისი კარნახით შეიწყალა სალომე ზურაბიშვილმა ნიკა გვარამია და რა იყო ამ შეწყალების მიზანი. რატომ უკარნახეს პრეზიდენტს, რომ მას უნდა შეეწყალებინა გვარამია.
მთავარი მიზანი იყო, რა თქმა უნდა, პოლარიზაცია. გვარამიას განცხადებებიც არის ამის დასტური. შეწყალების მთავარი მიზანი იყო პოლარიზაციის გაღვივება. ამას ვერ ახერხებენ არსებული პოლიტიკური შემადგენლობით, ოპოზიციის შემადგენლობას ვგულისხმობ და სწორედ იმისათვის, რომ უფრო მეტად გაეღვივებინა პოლარიზაცია, შეაწყალებინეს სალომე ზურაბიშვილს გვარამია.
ეს არის ძალიან ცუდი, ბუნებრივია. იმიტომ, რომ ჩანს – ვიღაცები არ იშლიან თავისას. მათ სურთ პოლარიზაცია. ჩვენი მიზანია ქვეყანაში სიმშვიდის შენარჩუნება”, – განაცხადა ირაკლი კობახიძემ.
ავტორი
ნინი ხიჯაკაძე
