,,ერთიანი ნაციონალური მოძრაობის” წევრი, ,,ანტიკორუფციული მოძრაობის” თავმჯდომარე, ვასო ურუშაძე კომენტარს აკეთებს საწვავის ფასის გაზრდასთან დაკავშირებით:
,,ირაკლი ღარიბაშვილმა აწარმოა რუსეთისთვის სასარგებლო პოლიტიკა. ხელი შეუწყო სანქცირებული ნავთობპროდუქტების შემოტანას.
ერთი წლის განმავლობაში საქართველოს ბაზარი მთლიანად დაიპყრო რუსულმა სანქცირებულმა ნავთობპროდუქტებმა. განსაკუთრებით, ბენზინის ნაწილში. თუმცა, როგორც ყოველთვის, ამ შემთხვევაშიც აღმოჩნდა, რომ რუსეთმა გადაწყვიტა პოლიტიკის შეცვლა იმიტომ, რომ შეექმნა მნიშვნელოვანი პრობლემა შიდა მოხმარების თვალსაზრისით და ექსპორტი შეზღუდეს.
ექსპორტის შეზღუდვამ, რა თქმა უნდა, პირდაპირი გავლენა იქონია იმ ქვეყნებზე, რომლებიც იყვნენ დამოკიდებულნი რუსულ ბაზარზე. ამ შემთხვევაში, ერთ-ერთი არის საქართველო. სწორედ ამ დამოკიდებულების გამო, ჩვენ დღეს მივიღეთ ასეთი მკვეთრი ზრდა [საწვავის ფასზე]”, – განაცხადა ვასო ურუშაძემ.
ავტორი
ნინი ხიჯაკაძე
