“რაც უფრო სწრაფად იფიქრებს ამ საკითხის გადაწყვეტაზე ბიძინა ივანიშვილი, მით უკეთესია არა მიხეილ სააკაშვილისთვის, არამედ ამ ქვეყნისთვის და პერსონალურად მისთვის” – ნიკა გვარამია მიხეილ სააკაშვილთან დაკავშირებით

,,მთავარი არხის“ დამფუძნებელმა, ნიკა გვარამიამ საქართველოს მე-3 პრეზიდენტი კლინიკა ,,ვივამედში“ მოინახულა. მისი განცხადებით, მიხეილ სააკაშვილის საქმე სწრაფ და დადებით გადაწყვეტილებას საჭიროებს, რომელიც ბიძინა ივანიშვილმა დროულად უნდა მიიღოს:

,,გუშინ, შეხვედრა მქონდა საერთაშორისო აქტორებთან, უბრალოდ ჩავრთე, მაინტერესებდა, მე თვითონ რომ მენახა მიშა პირველად. ერთად მოვინახულეთ და წარმოუდგენელი რეაქცია მე რომ მქონდა, ეს გასაგებია, მაგრამ მათაც წარმოუდგენელი რეაქცია ჰქონდათ.

უნდა გვესმოდეს, რომ ეს ასე ვერ გაგრძელდება. ეს საკითხი არის გადასაწყვეტი. რაც უფრო სწრაფად იფიქრებს ამ საკითხის გადაწყვეტაზე ბიძინა ივანიშვილი, სწრაფად და დადებითად, ერთადერთი გადაწყვეტა ამ საკითხს აქვს მხოლოდ დადებითი, მით უკეთესია არა მიხეილ სააკაშვილისთვის, არამედ ამ ქვეყნისთვის და რაც მთავარია, პერსონალურად მისთვის.

ჩვენ ვხედავთ, რაც ხდება უკრაინიდან. სხვანაირად, უბრალოდ, შეუძლებელია. მათი მოქალაქე პირდაპირ ეთერში… განლევა აქვს ადამიანს ჩვეულებრივად.

არცერთი თავმოყვარე სახელმწიფო, უკრაინის თავმოყვარეობაზე თუ ვინმეს შეკითხვები ჰქონდა – ახლა ყველანი ვხედავთ, საკუთარი მოქალაქის წინაშე ამას არ დაუშვებს“, – განაცხადა ნიკა გვარამიამ.

ავტორი
ნინი ხიჯაკაძე