სამოქალაქო აქტივისტი, რუსთაველის გამზირზე პარლამენტის წინ ზაფხულში მიმდინარე საპროტესტო აქციების ერთ-ერთი ორგანიზატორი, შოთა დიღმელაშვილი ეხმაურება ხელისუფლებასა და ოპოზიციას შორის დაწყებულ მოლაპარაკებს და შირმა უწოდა მის ფორმატს:
“ხელისუფლების მიერ შექმნილ მოლაპარაკების ფორმატი შირმაა. მასზე დაპატიჟებული ოპოზიცია ვერაფრით ისაუბრებს ჩვენი, აქციების საორგანიზაციო ჯგუფის სახელით.
ამ მორიგი ტყუილით ხელისუფლება დროს წელავს და საერთაშორისო პარტნიორებს თვალს უხვევს, თითქოს პოლიტიკური კრიზისის დეესკალაციას ცდილობს.
#სირცხვილიას არდაშვება მოლაპარაკებებზე ხელისუფლების მცდელობაა, ძირითადი მხარე დიალოგს გამოთიშოს და აქციები პარტიების მიერ მართულად წარმოაჩინოს. ამასთან, გააჩინოს დაპირისპირების კერები სამოქალაქო და ოპოზიციური სპექტრის ერთობაში.
ერთადერთი შეთანხმება, რასაც განვიხილავთ პოლიტიკური კრიზისის დეესკალაციის სანაცვლოდ პროპორციული არჩევნებია. თანახმა ვართ ე.წ. გერმანულ მოდელზე, რომელიც საპარლამენტო და არასაპარლამენტო ოპოზიციასთან ერთად შევთავაზეთ. სხვა რაზეც არ უნდა შეთანხმდნენ, არ გვაინტერესებს”, – აცხადებს შოთა დიღმელაშვილი.
