საქართველოს მე-3 პრეზიდენტის მძიმე ჯანმრთელობის მდგომარეობასთან დაკავშირებით, სასამართლო პროცესის პარალელურად, ჟურნალისტებთან ემოციური კომენტარები გააკეთეს მიხეილ სააკაშვილის ძმამ, გიორგი სააკაშვილმა და დედამ, გიული ალასანიამ:
,,ვიზუალურად არის მართლა ძალიან მძიმე საყურებელი. როდემდე უნდა გრძელდებოდეს მთავრობის ესეთი მიდგომა, რომ ასეთ მდგომარეობაში ამყოფებდნენ ადამიანს. ძალიან ემოციურად იმოქმედა ჩემზე.
იმედს ვიქონიებ-მეთქი, ძალიან მიჭირს ამის თქმა, მაგრამ როდემდე უნდა უყუროს მთავრობამ, როდემდე უნდა თქვას არსებულმა ხელისუფლებამ, რომ მიშა სააკაშვილი თურმე სიმულანტობს?!“, – განაცხადა გიორგი სააკაშვილმა.
,,ყველაზე მძიმე მდგომარეობაშიც მყოფი, ის ფიქრობს ისევ ამ ქვეყანაზე და სახელმწიფოებრიობის გადარჩენაზე. აი, ეს უნდა ყველაზე მეტად. დანარჩენი – ოჯახის წევრები, ეს ყველაფერი ძალიან უკანა პლანზე აქვს, წარმოიდგინეთ! მისთვის მთავარი არის, რომ ეს სახელმწიფო როგორმე გადარჩეს.
ხანდახან მიკვირს. იმიტომ, რომ მე როცა ვუზივარ გვერდით, ხანდახან 2 სიტყვას ვერ გეტყვის და აქ ამდენი ილაპარაკა, მე გაკვირვებული დავრჩი. მე უფრო მაინტერესებდა, როგორ გაუძლებს“, – განაცხადა გიული ალასანიამ.
ავტორი
ნინი ხიჯაკაძე