დღეს, საქართველოს მე-3 პრეზიდენტის მორიგი სასამართლო პროცესი გაიმართა, რომელსაც მიხეილ სააკაშვილი კლინიკა ,,ვივამედიდან“ დისტანციურად ჩაერთო. თემასთან დაკავშირებით საგანგებო ბრიფინგზე განცხადებას აკეთებს ,,ერთიანი ნაციონალური მოძრაობის“ თავმჯდომარე, ლევან ხაბეიშვილი:
,,დღეს, კიდევ ერთხელ, იხილა საქართველოს მოსახლეობამ უმძიმეს მდგომარეობაში მყოფი საქართველოს პრეზიდენტი, რომელსაც ბიძინა ივანიშვილი ტერორისტი პუტინის დავალებით ტყვეობაში ამყოფებს.
ასევე, ჩვენ უკვე რამდენიმე თვეა ვითხოვთ ევროკავშირის მისიის შესვლას პრეზიდენტ სააკაშვილთან, ვგულისხმობ, პოლონელ ექიმებს.
რამდენიმე თვეა, სისხლის სამართლის დამნაშავე, რატი ბრეგაძე, რომელსაც უამრავი დანაშაული აქვს ჩადენილი, უარს ამბობს და შესაძლებლობას არ აძლევს ევროკავშირის მისიას, პოლონელ ექიმებს, რომ შევიდნენ მიხეილ სააკაშვილთან, გამოიკვლიონ მისი ჯანმრთელობის მდგომარეობა და თუ საჭირო გახდა, ცხადია, ჩაერთონ მკურნალობის პროცესში“, – განაცხადა ლევან ხაბეიშვილმა.
ავტორი
ნინი ხიჯაკაძე
