ქართული ენისა და ლიტერატურის გამოცდა – წინასაგამოცდო რჩევები შეფასებისა და გამოცდების ეროვნული ცენტრისგან:
ყურადღებით გაეცანით თითოეული დავალების პირობას და ზედმიწევნით შეასრულეთ მითითებები;
ტექსტის რედაქტირების დავალების შესრულებისას ჯერ ყურადღებით წაიკითხეთ მოცემული ტექსტი და მხოლოდ ამის შემდეგ დაიწყეთ შეცდომებისა და ხარვეზების გასწორება. ნუ შეცვლით ცალკეულ სიტყვებსა და კონსტრუქციებს კონტექსტის გააზრების გარეშე;
წაკითხულის გააზრების კითხვების პასუხები გადაიტანეთ პასუხების ფურცელზე შემოთავაზებულ ცხრილში შემდეგნაირად, სწორი პასუხის შესაბამის უჯრაში ჩასვით იქსი (X). თუ შეგეშალათ, მონიშნული უჯრა გააფერადეთ და სხვა უჯრაში ჩასვით – X;
თუ თხზულება იქნება 150 სიტყვაზე ნაკლები, ის ენობრივი თვალსაზრისით არ შეფასდება;
გამოცდაზე სწორად გაანაწილეთ დრო, რათა აუჩქარებლად შეძლოთ თითოეულ დავალებაზე მუშაობა და პასუხების ფურცელზე თქვენი ნამუშევრის მაქსიმალური სიზუსტით გადატანა.
