“რკინიგზის გახსნაზე რაიმე საუბარი – ეს არის დანაშაული!” – რომან გოცირიძე

რუსეთის საგარეო საქმეთა სამინისტროს პრეს-სპიკერის, მარია ზახაროვას განცხადებით, რუსეთი გეგმავს სარკინიგზო მიმოსვლის აღდგენას სომხეთში აფხაზეთის გავლით. თემასთან დაკავშირებით მწვავე შეფასებას აკეთებს საქართველოს პარლამენტის წევრი, რომან გოცირიძე:

,,რუსეთის ხელისუფლების განცხადებებს ახმოვანებენ ჯერ მათი პროპაგანდისტები. ახლა შემოაგდეს თემა აფხაზეთის რკინიგზის გახსნასთან დაკავშირებით.

ხელისუფლების მხრიდან, მსგავს პროვოკაციულ განცხადებებზე, უნდა იყოს მომენტალური რეაგირება. ვინაიდან ეს ქალბატონი ბრძანდება საგარეო საქმეთა სამინისტროს თანამშრომელი ანუ ეს არის ოფიციალური რუსეთის პოზიცია და არა მხოლოდ რუსი პროპაგანდისტული ჟურნალისტებისა. ამიტომ პასუხი უნდა გასცეს დაუყოვნებლივ საქართველოს ხელისუფლებამ, რომ მსგავსი რამ არ იგეგმება.

რკინიგზის გახსნაზე რაიმე საუბარი, მითუმეტეს ფიქრი, – ეს არის დანაშაული! ეს რკინიგზა, საიდანაც სამხედრო ტვირთები იქნება გადაზიდული სომხეთში, შემდეგ მთელ ჩვენ რეგიონში, რუსეთის სამხედრო, ასე ვთქვათ – ყოფნა კიდევ უფრო გაძლიერდება, თუ გავითვალისწინებთ, რომ ჩვენთან ახლოს არის ისეთი ქვეყნები, სადაც არის კრიზისები – სირია და სხვა, ეს იქნება პირდაპირ დანაშაული“, – განაცხადა რომან გოცირიძემ.

ავტორი
ნინი ხიჯაკაძე