“სტრატეგია აღმაშენებლის” გენერალური მდივანი პაატა მანჯგალაძე არჩილ თალაკვაძის განცხადებას ეხმაურება. მანჯგალაძის თქმით ოცნების ლიდერები დღის მანძილზე პროპაგანდისტულ რიტორიკას ცვლიდნენ იმის მიხედვით როგორც უახლოვდებოდა პრიგოჟინი მოსკოვს:
“ჩვენ შორის განსხვავება ნამდვილად არის. დიახ, ჩვენ ვგულშემატკივრობთ რუსეთის, როგორც ბოროტების იმპერიის, ჩამოშლას და დამარცხებას მაგრამ უბედურება იმაშია, რომ თქვენ საქართველოს მომავალი პუტინს და რუსეთს დაუკავშირეთ. დასაცინები თქვენ ხართ, როგორ იცვლებოდა თქვენი და თქვენი პროპაგანდის დამოკიდებულება დღის მანძილზე, რაც უფრო უახლოვდებოდა პრიგოჟინი მოსკოვს, უფრო და უფრო ლოიალური და პოზიტიური ხდებოდა თქვენი პროპაგანდის გზავნილებში ის. ცოტა გაკლდათ და გამოაცხადებდით, “მისი უდიდებულესობა პრიგოჟინი მოსკოვში შებრძანდა“-ო. ხოლო ჩვენთვის მანამდეც, იმ დღესაც და ახლაც მტერია პუტინიც და პრიგოჟინიც.
ეს თქვენ ლოცულობდით პუტინის გამარჯვებისთვის. ჩვენ არა პრიგოჟინს, არამედ რუსეთის დამარცხებას და დასუსტებას ვგულშემატკივრობდით.
სამარცხვინოები თქვენ ხართ, ვითომ ჭეშმარიტების საქადაგებლად ისე, რომ სკამს რამე საფრთხე არ შეექმნას, სპეციალური ჯგუფი “ხალხის ძალა” შექმენით. თუ მართლა გჯერა “ხალხის ძალის” ამერიკასთან, მაკდონალდსთან, კოკა-კოლასთან დაკავშირებით გავრცელებული სისულელეების თავად შენ რატომ არ აწერ ხელს ამ განცხადებებს?” – მიმართავს პაატა მანჯგალაძე.
ინფორმაციას პოლიტიკური პარტია “გიორგი ვაშაძე – სტრატეგია აღმაშენებლის” და საპარლამენტო ფრაქცია “რეფორმების ჯგუფის” მედიასთან და საზოგადოებასთან ურთიერთობის სამსახური ავრცელებს