“დღეს ხელი მოვაწერე ნიკოლოზ გვარამიას შეწყალების აქტს” – სალომე ზურაბიშვილი

საქართველოს პრეზიდენტმა, სალომე ზურაბიშვილმა პატიმრობაში მყოფი ,,მთავარი არხის” გენერალური დირექტორის, ნიკა გვარამიას შეწყალების აქტს ხელი მოაწერა:

,,მოგიწვიეთ, რათა გაცნობოთ თქვენ და საზოგადოებას გავაცნო ჩემი დღევანდელი გადაწყვეტილება – დღეს ხელი მოვაწერე ნიკოლოზ გვარამიას შეწყალების აქტს. ეს გადაწყვეტილება მივიღე იმის შემდეგ, რაც 19 ივნისს ამოიწურა ყველა სამართლებრივი საფეხური, როცა უზენაესმა სასამართლომ არ მიიღო განსახილველად საკასაციო სარჩელი.

ამ გადაწყვეტილებაზე მე არ ვაპირებ, რომ რამე ახსნა-განმარტება გაგიზიაროთ, რამეთუ ეს არის ჩემი დისკრეციული უფლება, რომელსაც დღეს ვიყენებ.

მინდა გაგახსენოთ, რაც ბრიუსელში, ევროპარლამენტშიც ვთქვი, რომ ასეთი გადაწყვეტილება პრეზიდენტის დისკრეციული უფლებაა და არ ექვემდებარება ვინმეს ზეწოლას, რჩევას, რეკომენდაციას თუ სხვა ტიპის მუქარას… ეს არის პრეზიდენტის გადაწყვეტილება”, – განაცხადა სალომე ზურაბიშვილმა.

ავტორი
ნინი ხიჯაკაძე