“სააკაშვილი დღედღეზე რომ კვდებოდა, აპოკალიფსი რომ ხდებოდა, არაამქვეყნიური დაავადებები რომ სჭირდა, საქართველოს პოლიტიკა რომ აღარ აინტერესებდა, გვამის სუნი რომ ასდიოდა – ამ პროცესს რისი სუნი ასდის?!” – ალუდა ღუდუშაური

პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარის პირველი მოადგილე, ალუდა ღუდუშაური კომენტარს აკეთებს საქართველოს მე-3 პრეზიდენტის, მიხეილ სააკაშვილის საქმესთან დაკავშირებით:

,,მე უბრალოდ მაინტერესებს, იქნებ გადასცეთ იმ ადამიანებს – ის პირები, პოლიტიკოსები, იურისტები, ექსპერტები, ექიმები და ა.შ. როცა ამბობდნენ, დღედღეზე რომ კვდებოდა, აპოკალიფსი რომ ხდებოდა, არაამქვეყნიური დაავადებები რომ სჭირდა, საქართველოს პოლიტიკა რომ აღარ აინტერესებდა, გვამის სუნი რომ ასდიოდა.

ახლა ყველა, თქვენ – მედიის წარმომადგენლებს, მე გთხოვდით და მოგიწოდებდით, ვკითხოთ ამ ადამიანებს – აი, ამ პროცესს რისი სუნი ასდის-თქო?! ზოგადად, თქვენს ამ მოქმედებას, რისი სუნიც ასდის-თქო, ეს ქართველმა ხალხმა დიდი ხანია კარგად იცის.

სააკაშვილი აპატრიდი [მოქალაქეობის არმქონე პირი] არ ბრძანდება. მას აქვს უკრაინის პასპორტი, ის არის მსჯავრდებული. შესაბამისად, როგორც კანონმდებლობა ითვალისწინებს, ისე იქნება მსჯავრდებულის საკითხები გადაწყვეტილი“, – განაცხადა ალუდა ღუდუშაურმა.

ავტორი
ნინი ხიჯაკაძე