პარტია ,,ქართული ოცნების“ თავმჯდომარე ირაკლი კობახიძე კომენტარს აკეთებს საქართველოს მე-3 პრეზიდენტის, მიხეილ სააკაშვილის პოლიტიკაში დაბრუნების საკითხზე, რასაც სრულ აბსურდს უწოდებს:
,,სააკაშვილი 600 დღის განმავლობაში სიმულანტობდა. ამ სიმულაციას ჰქონდა, სამწუხაროდ, ფართო მხარდაჭერა უცხოელების მხრიდან, რაც არის ძალიან სამწუხარო.
მე კიდევ ერთხელ ვიტყვი, რომ ყველა იმ ადამიანმა, რომელიც მხარს უჭერდა სააკაშვილის ამ სიმულაციას, ტყუილებს, ქართულ საზოგადოებას ბოდიში უნდა მოუხადოს. ესენი არიან კონკრეტული პოლიტიკოსები, დიპლომატები, ყოფილი სახალხო დამცველი, მისი კონსილიუმის წევრები და ა.შ. ეს საკმაოდ ფართო წრეა.
სპექტაკლი იცით ალბათ – ,,ჯერ დაიხოცნენ, მერე იქორწინეს“. სააკაშვილი ჯერ დაიხოცა, ახლა შემოდის პოლიტიკაში. სრულ აბსურდთან გვაქვს საქმე“, – განაცხადა ირაკლი კობახიძემ.
ავტორი
ნინი ხიჯაკაძე
