“ვნახეთ ყველამ, რომ ეს ადამიანი არც არავის მოუწამლავს, არც კვდებოდა, არაფერი არ ხდებოდა” – ირაკლი ღარიბაშვილი მიხეილ სააკაშვილზე

საქართველოს პრემიერ-მინისტრი, ირაკლი ღარიბაშვილი ჟურნალისტებთან კომენტარს აკეთებს საქართველოს მე-3 პრეზიდენტის, მიხეილ სააკაშვილის საქმესთან დაკავშირებით:

,,სააკაშვილი ქართული პოლიტიკიდან არასდროს არ წასულა. იგი ერთ-ერთ სასამართლო პროცესზე წარსდგა, როგორც უკრაინის მოქალაქე და უკრაინული ენის თარჯიმანი მოითხოვა, რათა მას უკრაინულ ენაზე ესაუბრა. ამაზე მეტი დეგრადაცია, დაცემა ქართველი პოლიტიკოსის, მით უმეტეს, ქვეყნის ყოფილი პრეზიდენტის, მე მგონი, მსოფლიო ისტორიას არ უნახავს.

ის აღვირახსნილი, ქვეყნის იმიჯის დამაზიანებელი კამპანია, რაც მან, მისმა ოჯახმა და ლობისტებმა აწარმოა, ამისთვის ყოველდღე ჩვენს სახელმწიფოს, საზოგადოებას ბოდიში უნდა მოუხადონ.

ხომ ვნახეთ ყველამ, რომ ეს ადამიანი არც არავის მოუწამლავს, არც კვდებოდა, არაფერი არ ხდებოდა. ეს იყო ჩვეულებრივი მარტივი, ასე ვთქვათ, სპექტაკლი. ეს იყო თამაში და სპეკულაციები.

მას შემდეგ, რაც მან სტრასბურგის სასამართლოდან საბოლოოდ უარი მიიღო და რომ შეწყვიტოს ეს თამაში, სპეკულაციები, სიმულაციები, გადაწყვიტა, რომ არის კარგად“, – განაცხადა ირაკლი ღარიბაშვილმა.

ავტორი
ნინი ხიჯაკაძე