ფილოლოგ ლევან ბერძენიშვილს ჭავჭავაძის გამზირზე, უნივერსიტეტიდან გამოსვლის დროს, თავს დაესხნენ. მომხდარ ფაქტთან დაკავშირებით ემოციური შეფასებას აკეთებს დაზარალებული და აცხადებს, რომ ხელისუფლება თუ ასეთი თავდამსხმელის იმედაა, შავად ყოფილა მათი საქმე:
,,მე გამოვედი ლექციიდან და პირდაპირ ქუჩაში შემხვდა ახალგაზრდა კაცი, რომელმაც დაიწყო – ,,მოღალატე“, ,,ერეკლე“ და დედის გინება. მეტი იქიდან არაფერი არ მოდიოდა. დედის გინების გარდა გამართულად ვერ თქვა ვერც ერთი სიტყვა. მე ასეთი, უკაცრავად და, მოუმზადებელი კადრი, დიდი ხანია არ მინახავს. როგორც ჩანს, ეს არის ჩვენი ხელისუფლების სახე. მეტყველებდა დაახლოებით, როგორც ჩვენი დიდი მჭევრმეტყველები მეტყველებენ.
მეტი სათქმელი არ ჰქონდა – ,,მოღალატე, გაჩერდი“. მე არ ვჩერდებოდი, არა, მომსდევდა სანამ არ ამაღელვა და არ მათქმევინა ერთი-ორი სიტყვა. დედა არ შემიგინებია. იმიტომ, რომ მოქალაქეებს ვხედავდი.
გულნატკენი ვარ იმიტომ, რომ ეტყობა რაღაცა უნდა მომხვდეს, მანამდე არ დამთვარდება. იმიტომ, რომ მე-4 თუ მე-5 შემთხვევაა. როგორც ჩანს ვერ დაოკდნენ.
მე მინდა პირდაპირ ვუთხრა იმ მართლა საცოდავს, იმ გაჭირვებულს, ვისთვისაც ეს ყველაფერი კეთდება – ხალხნო, ასე არ შენდება ხელისუფლება! ასე, მისი ძალაუფლება არ მყარდება! ყოველდღე თავი გეჭრებათ! თუ ამ მოქალაქის იმედზე ხართ, შავადაა თქვენი საქმე…
ეს არის შედეგი იმისა, რომ ვიღაცამ უთხრა, ,,ამ მოქალაქეზე თავდასხმა შეკვეთილია/დაკვეთილია, მოსაწონია“. ნახეთ ახლა, ის არის მოქალაქე, რომელსაც არავინ არ იცნობდა და დღეს მასზე ნახევარი საქართველო ილაპარაკებს“, – განაცხადა ლევან ბერძენიშვილმა.
ავტორი
ნინი ხიჯაკაძე
