უზენაესმა სასამართლომ დაუშვებლად ცნო ნიკა გვარამიას საკასაციო საჩივარი და შესაბამისად პატიმრობაში დატოვა ,,მთავარი არხის” გენერალური დირექტორი. საქმესთან დაკავშირებით პოლიტიკურ შეფასებას აკეთებს საპარლამენტო ჯგუფის, ,,ხალხის ძალის” წევრი, გურამ მაჭარაშვილი:
,,მე მინდა, დაგამშვიდოთ და გითხრათ, რომ ნუღა შეწუხდებით, ნუღა გაირჯებით, დროს ნუღა დაკარგავთ გვარამიასთან დაკავშირებულ საკითხებზე. ეს უკვე შეთანხმებულია ქართველ ხალხშიც და მათ შორის, პარტნიორებშიც, რომ ნიკა გვარამია არის თავისთვის, სასჯელს იხდის. ის არ წარმოადგენს ევროინტეგრაციას.
ევროპარლამენტარებს თუ გულისხმობთ, მათ ველოდებით, საქართველოში მიშას სურათებით იუსტიციის მინისტრთან. ჩამობრძანდნენ და აქ რომ დაახვედრებს იუსტიციის მინისტრი სტრასბურგის გადაწყვეტილებას, აი, მერე ნახავენ ის სურათები რამდენად სწორი იყო, რომ გამოფინეს ევროპარლამენტში. იგივე იქნება გვარამიასთან დაკავშირებით”, – განაცხადა გურამ მაჭარაშვილმა.
ავტორი
ნინი ხიჯაკაძე
