,,ერთიანი ნაციონალური მოძრაობის” თავმჯდომარე, ლევან ხაბეიშვილი მწვავე შეფასებას აკეთებს ,,მთავარი არხის” გენერალური დირექტორის, ნიკა გვარამიას საქმესთან დაკავშირებით:
,,ბიძინა ივანიშვილის პირად ბოღმებს უკავშირდება ნიკა გვარამიას პატიმრობა. დამოუკიდებელი საქართველოს ისტორიაში არავინ არ გაუსამართლებიათ იმის გამო, რომ თურმე მეუღლეს კომპანიის ან მისი ავტომობილი ათხოვა.
ეს არის ცინიზმის მწვერვალი. ცხადია, არანაირი გადაწყვეტილება არც პირველ ინსტაციაში, არც სააპელაციოში და არც უზენაესში სასამართლოს არ მიუღია.
ეს გადაწყვეტილება მიიღო რუსმა ოლიგარქმა, ბიძინა ივანიშვილმა, რომლის პირადი ტყვეც გახლავთ ნიკა გვარამია.
ის არის პატიმრობაში იმიტომ, რომ ბიძინა ივანიშვილს, გვარამიას თავისუფლებაზე ყოფნის პირობებში, უამრავი პრობლემა ჰქონდა. ცხადია, ესეთ ადამიანებს ასეთი ფორმით იშორებს რუსი ოლიგარქი”, – განაცხადა ლევან ხაბეიშვილმა.
ინფორმაციისთვის: საქართველოს უზენაესმა სასამართლომ 2023 წლის 19 ივნისის განჩინებით დაუშვებლად ცნო ნიკა გვარამიასა და კახაბერ დამენიას ადვოკატების საკასაციო საჩივრები, შესაბამისად, ძალაში დარჩა თბილისის სააპელაციო სასამართლოს 2022 წლის 2 ნოემბრის განაჩენი და “მთავარი არხის” გენერალური დირექტორი, ნიკა გვარამია პატიმრობაში რჩება.
ავტორი
ნინი ხიჯაკაძე
