“ადამიანი ამბობს, როგორც ქვეყნის პატრიოტი, მზად არის თავის წვლილი შეიტანოს საქართველოს ევროპული ინტეგრაციის გზაზე” – პაატა მანჯგალაძე მიხეილ სააკაშვილზე

საქართველოს პარლამენტის წევრი, ,,სტრატეგია აღმაშენებლის” გენერალური მდივანი, პაატა მანჯგალაძე პოლიტიკურ შეფასებას აკეთებს საქართველოს მე-3 პრეზიდენტ, მიხეილ სააკაშვილის მიერ გავრცელებულ განცხადებაზე, ქართულ პოლიტიკაში აქტიურად ჩართვასა და ოპოზიციის ერთიანობასთან დაკავშირებით:

,,ადამიანი ამბობს, როგორც ქვეყნის პატრიოტი, მზად არის თავის წვლილი შეიტანოს საქართველოს ევროპული ინტეგრაციის გზაზე. ჩვენ რა უფლება გვაქვს ნებისმიერ ვინმეს დავუშალოთ ან არ დავუშალოთ ამ პროცესში მონაწილეობა? ეს არის ბუნებრივი პროცესი.

რაც შეეხება გაერთიანების საკითხს – პირდაპირ გეტყვით, თუ ,,სტრატეგია აღმაშენებელი” იქნება ბლოკში და სადმე ერთიანობას დავაპირებთ, აუცილებლად – არა თუ მესამე ცენტრი არ იქნება, არამედ იქნება პირველი, პირობას გაძლევთ”, – განაცხადა პაატა მანჯგალაძემ.

ავტორი
ნინი ხიჯაკაძე