“მისი მდგომარეობა არის გაუმჯობესებული, თვითონაც ბევრად უფრო აქტიურია და მისი განწყობაც უკეთესია” – ზურაბ ჩხაიძე მიხეილ სააკაშვილზე

მიხეილ სააკაშვილის ჯანმრთელობის მდგომარეობასთან დაკავშირებით განმარტებებს აკეთებს “ვივამედის” კლინიკური დირექტორი, ზურაბ ჩხაიძე:

“მისი მდგომარეობა არის სტაბილური. პარამეტრები, შესაბამისად, ეს იქნება ჰემოდინამიკური მაჩვენებლები, სუნთქვის პარამეტრები არის სტაბილური და ზოგადად მისი მდგომარეობა არის, რა თქმა უნდა, გაუმჯობესებული. ეს ძალიან გვიხარია, რომ ჩვენი ამდენი ხნის მცდელობის შედეგი სახეზეა, მიუხედავად ჩვენს მიმართ დაუმსახურებული კრიტიკისა თუ თავდასხმებისა.

ეს დღეები ვხედავთ, რომ მისი მდგომარეობა არის გაუმჯობესებული, თვითონაც ბევრად უფრო აქტიურია და მისი განწყობაც უკეთესია.

კვება, სამკურნალო პროცესის, ერთ-ერთი მნიშვნელოვანი კომპონენტია და ამ კვების კუთხითაც ბევრად უფრო მეტად რომ გაითვალისწინოს ჩვენი რეკომენდაციები ისე, როგორც სამკურნალო დანიშნულების რეკომენდაციები“, – განაცხადა ზურაბ ჩხაიძემ.