“გვესაუბრებიან დემოკრატიულ ფასეულობებზე… აქაც, სამწუხაროდ, პროგრესი არ გვაქვს” – პეტრე ცისკარიშვილი

გერმანიაში პრემიერ-მინისტრის ვიზიტის წინ შეფასებები კეთდება პოლიტიკურ წრეებში. ,,ერთიანი ნაციონალური მოძრაობის“ გენერალური მდივანი, პეტრე ცისკარიშვილი კომენტარს აკეთებს საქართველოსა და გერმანიას შორის არსებულ ურთიერთობაზე. ოპოზიციონერი ლიდერი აცხადებს, რომ გერმანია ცდილობს საქართველოსთან საერთო შეხების წერტილების პოვნას, თუმცა პროგრესი არ არის:

,,ევროპა, მათ შორის, ცხადია, გერმანია აკვირდება საქართველოს და ცდილობს რაღაც საერთო შეხების წერტილები იპოვოს. თუნდაც, რუსეთის იზოლაციაში და რუსეთის ფედერაციის სანქცირებაში.

აქ, სამწუხაროდ, საქართველოსთან საერთო შეხების წერტილები არ აქვს. ამიტომ გადმოდიან იგივე 12 პუნქტიან გეგმაზე და გვესაუბრებიან დემოკრატიულ ფასეულობებზე. ამ ნაწილში მაინც, რომ საერთო ღირებულებები გავიზიაროთ ევროპასთან ერთად.

აქაც, სამწუხაროდ, პროგრესი არ გვაქვს“, – განაცხადა პეტრე ცისკარიშვილმა.

ავტორი
ნინი ხიჯაკაძე