“მერაბ გაბინაშვილი, უზენაეს სასამართლოში, კანონის მოთხოვნათა დარღვევით ზუსტად იმიტომ დანიშნეს, რომ პოლიტიკური დაკვეთები შეასრულოს” – დიმიტრი საძაგლიშვილი

პატიმრობაში მყოფი ,,მთავარი არხის“ გენერალური დირეტორის, ნიკა გვარამიას საქმეს, უზენაეს სასამართლოში, მოსამართლეთა შემდეგი კოლეგია უხელმძღვანელებს – ლევან თევზაძე, მერაბ გაბინაშვილი და ნინო სანდოძე. აღნიშნულთან დაკავშირებით კომენტარი გააკეთა ადვოკატმა, დიმიტრი საძაგლიშვილმა:

,,მერაბ გაბინაშვილი, უზენაეს სასამართლოში, კანონის მოთხოვნათა დარღვევით ზუსტად იმიტომ დანიშნეს, რომ პოლიტიკური დაკვეთები შეასრულოს. ეს უპირველესად ხელისუფლებას სჭირდება, სწორედ ნიკა გვარამიას საქმეზე.

ახლა არ ვიცით სასამართლო რა ნაბიჯებს გადადგამს, რამდენად ინტენსიურად დაიწყებს საქმის განხილვას.

ერთი რამ, რაც არის ცხადი – საქმეზე გადაწყვეტილების მიღების კანონით გათვალისწინებული ვადა 22 ივნისს იწურება“, – განაცხადა დიმიტრი საძაგლიშვილმა.

ავტორი
ნინი ხიჯაკაძე