საქართველოს პრეზიდენტის, სალომე ზურაბიშვილის ბრიუსელში ვიზიტსა და გაკეთებულ განცხადებებს, დეპოლარიზაციისა და ნიკა გვარამიას შეწყალების ჭრილში, პოლიტიკურად აფასებს პარლამენტის წევრი, ხატია დეკანოიძე:
,,უფრო მკვეთრი გზავნილი იყო საჭირო იმასთან დაკავშირებით, რა ქმედითი ნაბიჯების გადადგმას აპირებს საქართველოს პრეზიდენტი ზუსტად ამ რეკომენდაციების წარმატებით შესრულების კუთხით.
ასევე, ერთი რამ შეიძლება ვთქვა და მე შეიძლება კრიტიკის ობიექტი აღმოვჩნდე, მაგრამ აუცილებლად ხაზი მინდა გავუსვა – მას არ დაუხურავს თემა ნიკა გვარამიას განთავისუფლებასთან დაკავშირებით.
ნიკა ნამდვილად არ ითხოვს, მაგრამ მე ყოველთვის ვიქნები ის ადამიანი, ნებისმიერ მონაკვეთში უახლოესი დროის მანძილზე, ვინც ყოველთვის ხმამაღლა ეტყვის საქართველოს პრეზიდენტს – იმისთვის, რომ უდანაშაულო ადამიანი გათავისუფლდეს, მან თავისი დისკრეციული უფლება უნდა გამოიყენოს!”, – განაცხადა ხატია დეკანოიძემ.
ავტორი
ნინი ხიჯაკაძე
