ხუთშაბათი, ივნისი 20, 2024

“ეს არის ღალატის ქრონიკა” – პაატა მანჯგალაძე მედიაში გასული რეპორტაჟის ფაქტებთან დაკავშირებით

ტვ ,,პირველის“ ეთერში, გადაცემა ნოდარ მელაძის ,,შაბათის შოუში“ გასულ სიუჟეტზე, სადაც საუბარია რუსეთსა და საქართველოს შორის ეკონომიკურ კავშირზე – სავიზო რეჟიმის გაუქმებასა და პირდაპირ ფრენებზე, მწვავე და კრიტიკულ შეფასებას აკეთებს საქართველოს პარლამენტის წევრი, ,,სტრატეგია აღმაშენებლის“ გენერალური მდივანი, პაატა მანჯგალაძე:

,,ჩვენ გუშინ, გადაცემაში ,,ნოდარ მელაძის შაბათი“, ძალიან საგანგაშო ინფორმაცია ვნახეთ, სადაც პირდაპირ იყო საუბარი, თუ რა დაჩქარებული წესით მიმდინარეობს საქართველოს რეინტეგრაცია რუსულ ჭაობში. დოკუმენტურად პირდაპირ დადასტურებულია და პუტინი საუბრობს ამაზე, რომ საქართველოს ხელისუფლებასთან ჰქონდა მოლაპარაკებები და საქართველოს ხელისუფლებასთან შეთანხმებით მიიღო გადაწყვეტილება ეკონომიკური თანამშრომლობის შესახებ – ვგულისხმობ ვიზების გაუქმებას, პირდაპირ ფრენებს.

მეგობრებო, ვითარება არის საგანგაშო იმიტომ, რომ იქ წარმოდგენილი ადამიანი, ვინმე ვიგინდარა რომან ბოკერია, პირდაპირ საუბრობდა, რომ ის არის საქართველოს ეკონომიკური ელჩი რუსეთში. ანუ რაღაც დონეზე თითქოს ეკონომიკური თანამშრომლობა დავიწყეთ, შემდეგი ეტაპი იქნება პოლიტიკური თანამშრომლობა.

კიდევ ერთხელ ვამბობ, ეს პროცესი არ არის მიმართული საქართველოს მხოლოდ ევროპული ინტეგრაციის გზიდან გადაგდებაზე, არამედ საქართველოს სუვერენიტეტის და სახელმწიფოებრიობის წინააღმდეგ მიმართული ქმედება.

მივმართავ ჩვენს პარტნიორებს ოპოზიციური პარტიებიდან – ეს არის იმ მასშტაბის საგანგაშო ინფორმაცია, ჩვენთვის საგანგებო ვითარება, რომ აუცილებელია ჩვენი მხრიდანაც საგანგებო რეაქცია და ზომები. ამიტომ გთავაზობთ, რომ დავიწყოთ საუბარი, თუ როგორ შეიძლება ყველა ერთად აღვუდეგთ საქართველოს რუსულ სივრცეში რეინტეგრაციის პროცესს ანუ რუსულ ჭაობში დაბრუნების პროცესს.

ეს არის ღალატის ქრონიკა, რასაც ჩვენ ვხედავთ. ამის ასე უბრალოდ გატარება, თავის ნებაზე მიშვება, თითქოს არაფერი ხდება და არ შევიმჩნიოთ, ნამდვილად არ შეიძლება…“, – განაცხადა პაატა მანჯგალაძემ.

ავტორი
ნინი ხიჯაკაძე

კომენტარები - დატოვეთ თქვენი მოსაზრება

კვირის სხვა თემები

All

პოპულარული დღეს

ბოლო გამოქვეყნებული