საქართველოს პრეზიდენტობის კანდიდატმა, ლეიბორისტული პარტიის თავმჯდომარემ შალვა ნათელაშვილმა 10 ოქტომბერს, სპეციალურ ბრიფინგზე, საზოგადოებას გააცნო წერილი, სადაც იგი დეტალურად აღწერს პრობლემებს, რაც მის საარჩევნო კამპანიას შეექმნა, დახმარების თხოვნით მიმართა ბიზნესსეგმენტებს და ბანკებს და პასუხის მისაღებად ორდღიანი ვადა განუსაზღვრა, რომელიც დღეს იწურება:
“ივანიშვილის ერთადერთი იმედი, მოხდეს ჩემთვის ხელის შეშლა 28 ოქტომმბრის არჩევნებში, ეს ტრადიციულად არის ფინანსური წნეხი.
კვლავ აკრძალულია ჩვენი დაფინანსება, საარჩევნო კრედიტის გაცემა და ჩვენი ხალხისგან აწაპნილი მილიონები თოვლის ფანტელივით ეყრება თავზე პუტინის წარმოგზავნილ ზურაბიშვილს. დღეს, ყველა ბიზნესსეგმენტში, ბანკებში, საცდელად მაინც გავაგზავნე წერილები შინაარსით, რომ სწორედ მათი დაღუპულია საქართველო, სწორედ მათი ყაჩაღური ფინანსებით მიდიოდნენ და მოდიოდნენ ხელისუფლებები, რომლებიც მათვე ძარცვავდნენ და სანამ ასე გააგრძელებენ, ჩვენი ქვეყნის ფეხზე დადგომა არ იქნება; რა თქმა უნდა, არც კრედიტს მომცემენ, რაც კანონით მეკუთვნის, არც შემოწირულობები იქნება, სხვა შემთხვევაში მათი ნასახი არ იქნება.
ერთი რამ მინდა ვთხოვო ჩემს დიდებულ ხალხს. მეგობრებო! 28 ოქტომბერს შეგვიძლია ჩამოვირეცხოთ ივანიშვილისგან მოკერებული იარლიყი იმის შესახებ, რომ ქართველი ხალხი ფულის მიხედვით აძლევს ხმას; არა იდეის, მომავლის, შვილების ინტერესების მიხედვით, არამედ იმის მიხედვით ვინ რას გადაუხდის. ეს ტალახი, ეს ლაქა, რომელიც მოგვცხო ამ ნარკობარონმა, ჩვენ შეგვიძლია 28 ში ჩამოვირეცხოთ შალვა ნათელაშვილისთვის ხმის მიცემით!
ერთი რამ მინდა ვთხოვო ჩემს დიდებულ ხალხს. მეგობრებო! 28 ოქტომბერს შეგვიძლია ჩამოვირეცხოთ ივანიშვილისგან მოკერებული იარლიყი იმის შესახებ, რომ ქართველი ხალხი ფულის მიხედვით აძლევს ხმას; არა იდეის, მომავლის, შვილების ინტერესების მიხედვით, არამედ იმის მიხედვით ვინ რას გადაუხდის. ეს ტალახი, ეს ლაქა, რომელიც მოგვცხო ამ ნარკობარონმა, ჩვენ შეგვიძლია 28 ში ჩამოვირეცხოთ შალვა ნათელაშვილისთვის ხმის მიცემით!
ალბათ, ეჭვი არ გეპარებათ, რომ არა მხოლოდ სახელისუფლები კანდიდატს, არამედ მთელ რიგ კანდიდატებს არ აკლიათ ფინანსური რესურსი. ჩვენი რესურსი, ჩემი სიმდიდრე, ჩემი კაპიტალი 25 წელია, ეს არის უფლება თვალებში შევხედო ჩემს ხალხს და ეს არის ის უანგარო ხმები, რომელსაც ჩვენი მართლა ოქროს ფენისგან ორი ათეული წელია ვიღებ. ის ხალხი, ვინც ჩვენ ხმას გვაძლევდა არის აღმაშენებლის და მომავლის საქართველო, ის მარაბდელები და მარტყოფელები, ვინც სამშობლოს ფულზე არ ყიდიან და მათზე იდგა, დგას და იდგმება ჩვენი ქვეყანა. მთავარია ჩვენ დავირაზმოთ უარი ვთქვათ იმ ვერცხლზე, რომელსაც ისევ უხვად არიგებს ჭორვილელი სატანა.““საქართველოში მოქმედ ბიზნესს-კორპორაციებს
მოგმართავთ მოქმედი კანონმდებლობის შესაბამისად, რათა დადგენილი წესით გაიღოთ შემოწირულობა, ჩემი როგორც საპრეზიდენტო კანდიდატის, საარჩევნო დაფინანსებისთვის. რა თქმა უნდა ძალიან ნაკლები შანსია იმისა, რომ თქვენში გაიღვიძოს ადამიანმა და მოქალაქემ, რადგან თქვენ აფინანსებთ მხოლოდ ხელისუფლებას ღიად, თუ საჯაროდ და იქამდე აძლიერებთ, რომ მერე თქვენ ხდებით, ან გახდებით თქვენივე შექმნილი პოლიტიკური რეჟიმის მსხვერპლნი. მეცოდებით და შევდივარ თქვენს მდგომარეობაში, რადგან ხართ ერთი რუსი ოლიგარქის, ნარკობარონ ივანიშვილის მონა, მერე იქნებით შემდგომი ხელისუფლების მონა და სოფელიც აგიშენდებათ.
ამერიკის შეერთებული შტატების საელჩოს ვთხოვ, მონიტორინგი გაუწიოს ამ მოთხოვნის შესრულებას. ასევე, ვეკითხები ჩვენი მეგობარი ქვეყნის საელჩოს, რატომ ეწევა შეღავათები და პრეფერენსიები ასეთ ბიზნესს-კორპორაციებს?! უფრო მეტიც, რატომაა ბევრი მათგანი გაერთიანებული ამერიკის სავაჭრო-სამრეწველო პალატაში?!
თქვენი გადაწყვეტილების შესახებ, გთხოვთ პასუხი გვაცნობოთ ორი დღის ვადაში.”
10 ოქტომბერი 2018 წ.
კომენტარები - დატოვეთ თქვენი მოსაზრება
