საქართველოს პარლამენტის დეპუტატი, “სტრატეგია აღმაშენებლის” წევრი, პაატა მანჯგალაძე, საქართველოში შემოსული სანქცირებული პირების გამო, “ქართულ ოცნებას” აკრიტიკებს და კონკრეტული შეკითხვებით მიმართავს პარტიის ლიდერებს:
,,[რუსეთს] აქ ჩვენ ვუწყობთ ოაზისს, სამოთხეს და რატომ?! რა არის ფასი ამ ყველაფრის, რომ მოგება ვნახოთ?
რა ღირს? ღირსება რამდენი ღირს? – კობახიძეს, მდინარაძეს ვეკითხები! ან რომ დაუჩემებია ეს რაღაცა, მეშვიდეჯერ მესმის სტუმარ-მასპინძელზე, რასაც კობახიძე ლაპარაკობს. არსი არ ესმის სტუმარ- მასპინძლის. იქ მთავარი არსი იყო, რომ არ იცოდა იმან, რომ მტერი იყო მოსული – თავიდანვე, ვინც სტუმრად მიიპატიჟა.
შენ რომ იცი ლავროვის შვილია, იმას ელარჯით ხვდები, ამაზე გეუბნები. ეს შემთხვევით კი არ ხდება.
ჩვენ ვლაპარაკობთ, რომ სანქციების ბაზა არაა. რად უნდა სანქციების ბაზა, რომ ლავროვის შვილი აქ არ ჩამოვიდეს?!”, – განაცხადა პაატა მანჯგალაძემ.
ავტორი
ნინი ხიჯაკაძე
