მიხეილ სააკაშვილის შეფასება-განმარტებები ვრცელდება, სოციალურ ქსელში, სადაც ქვეყნის მე-3 პრეზიდენტი აცხადებს, რომ კლინიკა “ვივამედში” ჩატარებული ანალიზის შედეგებსა და სტრასბურგში გაგზავნილს შორის შეუსაბამობა არსებობდა:
“წინა კვირას, სისხლის ყველაზე ცუდი ანალიზები მქონდა, მას შემდეგ, რაც “ვივამედში” გადმოვედი. მკურნალი ექიმები ერთხმად, ძალიან შეშფოთებული მიყვებოდნენ ამას.
წინა კვირასვე, კლინიკის ხელმძღვანელობამ სტრასბურგში გააგზავნა ცნობა, რომ ყველა სასიცოცხლო მაჩვენებელი ნორმაშია. ჩვენ ალტერნატიული ანალიზების გაკეთების შესაძლებლობა, რა თქმა უნდა, არ გვქონია.
არაუშავს, რუსეთის ჩამოშლასთან ერთად, ეს სიცრუის მანქანაც, რომლის მსხვერპლიც მე ვარ, აუცილებლად, ბოლომდე ჩამოიშლება.
შევეცდები, იმ დღემდე როგორმე ვიცოცხლო“, – აცხადებს მიხეილ სააკაშვილი.
