19 მაისს პირდაპირი ფრენა მოსკოვი-თბილისის მიმართულებით განხორციელდება, რომელსაც ავიაკომპანია ,,აზიმუტი“ შეასრულებს. აღნიშნულთან დაკავშირებით მწვავე და კრიტიკული შეფასებას აკეთებს პარტია ,,დროას“ ლიდერი, ელენე ხოშტარია:
,,რასაც აკეთებს ,,ქართული ოცნება“, თვითმფრინავებთან და პირდაპირ ფრენებთან დაკავშირებით, ეს არის ჩვენი ეროვნული ინტერესების მორიგი ღალატი. ეს კიდევ უფრო მეტია, ვიდრე კანდიდატის სტატუსისთვის საფრთხის შექმნა.
ავიაკომპანია ,,აზიმუტი“, რომელიც ვერცერთ ევროპულ სახელმწიფოში ვერ დაფრინავს, ვერცერთ ევროპულ აეროპორტში ვერ ჯდება, რომელიც არის აკრძალული იმიტომ, რომ ის კომპანია იმ თვითმფრინავებს, ბომბდამშენებს აკეთებს, რომელმაც დაბომბა ჩვენი ქვეყანა, რომელიც დღეს ბომბავს უკრაინას, ხოცავს ადამიანებს.
მთელი ცივილიზებული სამყარო აბობს, რომ ,,არა აკრძალულია შენი ფრენა!“. აი, ამ ავიაკომპანიას საქართველოს მთავრობამ ჩვენს ზურგს უკან, ჩვენი ინტერესების ღალატით უთხრა, რომ ,,მობრძანდით და იფრინეთ!“.
ასევე, ავიაკომპანიის ხელმძღვანელი, ერთ-ერთი მეწილე არის პუტინთან ჩახუტებული, მოღალატე, სისხლში ამოსვრილი ადამიანი. ზუსტად ისეთ სისხლში, როგორც ყველა ის ხომალდი, რომელიც აპირებს, რომ იფრინოს საქართველოში“, – განაცხადა ელენე ხოშტარიამ.
ავტორი
ნინი ხიჯაკაძე
