ოთხშაბათი, მაისი 22, 2024

ვახო სანაია: “ხელისუფლებას ყველაზე მეტად თავისუფალი აზრის ეშინია”

თავისუფალი აზრის მნიშვნელობაზე საუბრობს ჟურნალისტი ვახო სანაია, სოციალურ ქსელში გამოქვეყნებულ პოსტში:

ხელისუფლებას ყველაზე მეტად თავისუფალი აზრის ეშინია.

ბედნიერებაა, იყო თავისუფალი; ილაპარაკო ის, რაც გინდა; თქვა ის, რაც სწორად მიგაჩნია; აბსოლუტურად ყველგან, მათ შორის ფეისბუქზე, ლექციებზე, სუფრებზე – ყველგან, ჩვენ უნდა ვიყოთ გახსნილები, ვილაპარაკოთ, რაც მოგვესურვება, ვიხუმროთ, რაზეც გვინდა და ვისზეც გვინდა, დავცინოთ, ვისაც გვინდა; რაც გვინდა და როგორც გვინდა, ის ვთქვათ სხვებზე; ვიყოთ თამამები და სულ ყ*ეზე უნდა გვეკიდოს, რას იფიქრებს ამაზე რომელიმე ხელისუფალი, პროპაგანდისტი თუ გზააბნეული, რას ამოჭრიან და დაამონტაჟებენ ჩვენი ნათქვამიდან ან რომელი სკამისა თუ მაგიდის ქვეშ აქვს დაყენებული ჟუჩოკი ან დავირუსებული რომელიმე ტელეფონი.
ამის თუ შეგვეშინდა, ესე იგი, ისე ღრმად შემოიჭრა ჩვენს გონებაში ტოტალიტარიზმი, რომ დაგვამარცხა კიდეც.

თავისუფალი აზროვნება, თუნდაც სხვისთვის მიუღებელი მოსაზრებებით, არის ის, რაც ამოძრავებს საზოგადოებას. ებრძვიან მათ, ვინც თავისუფლად ლაპარაკობს და უშიშარია. სულ ფეხებზე მკიდია, ვინ როგორ რას გამოიყენებს პოლიტიკურად, მთავარია, აზრის თავისუფლად გამოთქმა არ აშინებდეთ ადამიანებს. ვინც ამას თამამად აკეთებს, სწორედ მას ებრძვიან, ემუქრებიან, რომ ამ გზით სხვები გაჩუმდნენ.

ზედმეტი პრობლემები არავის უნდა, ამიტომ გაჩუმება აჯობებს. ესაა ჩანაფიქრი – ამ პრინციპმა თუ გაიმარჯვა, დავიღუპებით.

აღარც ჟურნალისტიკა იქნება, აღარც – ლიტერატურა, აღაც – მეცნიერება. იქნება მხოლოდ ვასიკო მაღლაფერიძის ,,დოკუმენტალისტიკა”, მასტერას ,,მუსიკა” და ირაკლი ღარიბაშვილის ,,პატრიოტიზმი”.

მოდი ,,იდი ნახ*უით რა 😂😂😂“, – წერს ფეისბუქის პირად გვერდზე ვახო სანაია.

კომენტარები - დატოვეთ თქვენი მოსაზრება

კვირის სხვა თემები

All

პოპულარული დღეს

ბოლო გამოქვეყნებული