,,სტრატეგია აღმაშენებლის“ თავმჯდომარე განცხადებას აკეთებს ქოლ-ცენტრების საქმესთან დაკავშირებით. ოპოზიციონერი ლიდერი პასუხისმგებელ უწყებებს კონკრეტული ინფორმაციის გასაჯაროებისაკენ მოუწოდებს:
,,ქოც-ცენტრის საქმეზე დამატებითი გარემოებები ვლინდება, რომელიც ადასტურებს, რომ მთელი სახელმწიფო სისტემა ამ საქმის გაყალბებაშია ჩართული, ჩემი და ჩემი ოჯახის წევრების წინააღმდეგ ორკესტრირებულ შეტევაში.
პირველი – ,,ტვ პირველის” გადაცემაში მიხეილ არახამიას მეუღლე პირდაპირ ადასტურებს, რომ მისი მეუღლე საქართველოში აღარ იმყოფება; მეორე – ეს ადამიანი არის უმუშევარი და მან დატოვა საქართველო, რაც თავისთავად ეჭვს ქმნის, რომ ეს ადამიანი ან დაარეგისტრირეს, ან ჯერ კიდევ რეგისტრაციამდე ქვეყნიდან გაიყვანეს. ამის შემდგომ ხდება ამ ბრალდების შეთითხვნა ჩემს წინააღმდეგ.
მეორე – იუსტიციის სამინისტროს კომპანია რეგისტრირებული აქვს მისამართზე, რომელიც მას [მიხეილ არახამიას] აღარ ეკუთვნის და სარეგისტრაციო დოკუმენტებში, საჯაროდ, საერთოდ არ იძებნება ახალი მესაკუთრის თანხმობა. უფრო მეტიც, სარეგისტრაციო დოკუმენტებში მითითებულია ტელეფონის ნომერი, რომელიც ასევე არ ეკუთვნის მას.
მივმართავ შინაგან საქმეთა მინისტრს, გაასაჯაროოს – კონკრეტულად, როდის დატოვა მიხეილ არახამიამ საქართველოს ფარგლები.
მივმართავ იუსტიციის მინისტსა და სამინისტროს – გაასაჯაროოს მტკიცებულება, თუ რატომ მოხდა ამ კომპანიის რეგისტრაცია, ფაქტობრივად, ყალბ მისამართზე.
სწორედ ეს მიუთითებს, ორკესტრირებულ, შეთითხნილ იმ დანაშაულებრივ სქემაზე, რომლის უკანაც ფაქტია ჩანს, რომ მთელი სახელმწიფო სისტემა და აპარატი დგას, რომელიც ამ ინფორმაციის სამართალდამცავი ორგანოების მხრიდან გამჟღავნებამდე საკუთარ პროპაგანდისტულ არხებს აწვდის, რომელიც დღემდე აბსოლუტურად მავნებლურად, მონაცემების გაყალბებით, კვლავ ცდილობს ამ საქმესთან ჩემი და ჩემი ძმის სახელის დაკავშირებას კვლავ ცდილობს.
ყველანი აგებთ პასუხს დანაშაულზე – მე ამ საქმეს არ მოვეშვები!”, – განაცხადა გიორგი ვაშაძემ.
ავტორი
ნინი ხიჯაკაძე
