,,ლელო საქართველოსთვის“ საორგანიზაციო მდივანი, თამაზ დათუნაშვილი პარტიის ოფისში გამართულ ბრიფინგზე განცხადებას აკეთებს ჯანდაცვის სფეროში არსებულ პრობლემებთან დაკავშირებით:
,,ღარიბაშვილისა და მისი მთავრობის მავნებლობა და არაკომპეტენტურობა ამჯერად უკვე ჯანდაცვის სექტორში გამოვლინდა. აქამდე ყველამ ვიცოდით, რომ საყოველთაო ჯანდაცვა, როგორც სოციალური პროექტი, ჩვენი მოქალაქეებისთვის იყო ერთ-ერთი უმთავრესი მონაპოვარი, რომელიც ,,ქართულმა ოცნებამ“ მოგვიტანა და დღემდე, უკვე 10 წელია ამ რეფორმას, როგორც ერთ-ერთ მთავარ მონაპოვარს მათი პროპაგანდა ჩვენს საზოგადოებას წარუდგენს. ამის მიუხედავად, სოციალური სახელმწიფოსთვის, როგორიც საქართველო გახდა 2014 წლიდან, ეს სისტემა ქვეყანაში ფაქტიურად კრახს განიცდის.
კერძოდ, 2022 წლის მონაცემები რომ ავიღოთ, ჯანდაცვის სფეროში 4,7 მლრდ ლარი იყო საერთო დანახარჯები, ხოლო ჩვენი მოქალაქეების ჯიბიდან დანახარჯები იყო 2.4 მლრდ, ნახევარზე მეტი ფაქტიურად.
რეალურად უნდა ითქვას, რომ ეს ითვლება ამ სისტემის კრახად – 2022 წელს, როდესაც ბიუჯეტი გასამმაგებული იყო 2014 წელთან შედარებით, შეუძლებელია ჩათვალო წარმატებულად რეფორმა, სადაც ნახევარზე მეტი ხარჯებისა მოდის მოსახლეობაზე. ეს იქნება მედიკამენტები თუ სხვადასხვა სამედიცინო მომსახურება.
ეს რიცხვები ნათლად აჩვენებს, თუ რა მასშტაბის კოლაფსი გვაქვს ჯანდაცვის სისტემაში. ის ბიუროკრატიული მონსტრი, რომელსაც საყოველთაო ჯანდაცვის დაზღვევა წარმოადგენს, ვერ პასუხობს იმ რეალობას, რომელიც ჩვენ მოქალაქეებს უდგათ“, – განაცხადა თამაზ დათუნაშვილმა.
ავტორი
ნინი ხიჯაკაძე
