საქართველოს პარლამენტის წევრი, პაატა მანჯგალაძე პოლიტიკურ შეფასებას აკეთებს სასამართლო სისტემასთან მიმართებაში და აცხადებს, რომ ოპოზიცია მზად უნდა იყოს, რადგან მმართველი პარტია კონსტიტუციის დარღვევას კვლავ შეეცდება და პარლამენტში გააგრძელებს “პროცედურულ ომს”, რათა არ მოხდეს დროებითი საგამოძიებო კომისიის შექმნა:
,,არასწორია, თითქოს მურუსიძის სიყვარულის გამო იქცევა კობახიძე ასე, რომ კონსტიტუციას არღვევს. მურუსიძე და [სასამართლო] კლანი არის ,,ქართული ოცნების” პოლიტიკური დაკვეთების შემსრულებელი. ამ კანონდარღვევებში მთავარი მონაწილე და დამნაშავე არის ,,ქართული ოცნება”.
შესაბამისად, კონსტიტუციას არღვევენ არა მურუსიძის გამო, არამედ საკუთარი დანაშაულებების დაფარვის გამო. ასე უნდა დავინახოთ ეს პროცესი. ცალკე მურუსიძე არ არსებობს – კობახიძის და ,,ქართული ოცნების” გარეშე.
ამიტომ მოლოდინი გვაქვს, რომ ხელისუფლება კვლავ შეეცდება დაარღვიოს კონსტიტუცია და კანონი. მთავარია ამისთვის, რომ ოპოზიცია იყოს მობილიზებული”, – განაცხადა პაატა მანჯგალაძემ.
ავტორი
ნინი ხიჯაკაძე
