პარტია ,,დროას“ თავმჯდომარე, ელენე ხოშტარია საგანგებო ბრიფინგზე განცხადებას აკეთებს პატიმრობაში მყოფი, ,,მთავრი არხის“ გენერალური დირექტორის, ნიკა გვარამიას საკითხზე. ოპოზიციონერი ლიდერი საქართველოს პრეზიდენტს, სალომე ზურაბიშილს მოუწოდებს, რომ მიიღოს სწორი გადაწყვეტილება მედია-მენეჯერთან დაკავშირებით:
,,დღეს, პრეზიდენტს აქვს კიდევ ერთი დილემა და კიდევ ერთი არჩევანი: ისევ ,,ქართული ოცნების“ მიმართულებით წავიდეს და დაუპირისპირდეს მსოფლიოში ყველაზე ავტორიტეტულ, საერთაშორისო და ადამიანის უფლებების ორგანიზაციას თუ მიიღოს ქვეყნისთვის სასარგებლო გადაწყვეტილება და შეიწყალოს ნიკა გვარამია.
ეს არჩევანი და პასუხისმგებლობა მასზეა. მე არ ვაპირებ თხოვნებს და მიმართვებს მასზე – მან ეს ძალიან კარგად იცის.
ჩვენი კონსულტაციები გრძელდება ყველა ორგანიზაციასთან. მთვარი მოქმედი პირი, ინიციატორი – ეს არის ,,ნიკა გვარამიას თავისუფლების მოძრაობა“, რომელიც ძალიან აქტიურია ამ საკითხში.
ჩვენ კიდევ ერთხელ ვადასტურებთ, რომ მზად ვართ ყველანაირ მოქმედებაზე იმისთვის, რომ არ დავაგვიანოთ ჩვენი ევროპული პერსპექტივის დაცვის საკითხში“, – განაცხადა ელენე ხოშტარიამ.
ავტორი
ნინი ხიჯაკაძე
