“თუკი BBC-ის სიუჟეტი მათთვის მიღებელია, ამ თემასთან დაკავშირებით განცხადებასაც არ აკეთებენ” – გიორგი ვოლსკი არასამთავრობო ორგანიზაციებზე

პარლამენტის პირველი ვიცე-სპიკერი, გიორგი ვოლსკი კომენტარს აკეთებს ქართულ არასამთავრობო ორგანიზაციებთან დაკავშირებითი და მათ მიმართ კონკრეტულ პრეტენზიებს აფიქსირებს:

,,არასამთავრობო ორგანიზაციები, რომლებიც ე.წ. საზედამხედველო რესურსს წარმოადგენენ კონკრეტული დამფინანსებლისათვის – ამას ,,WATCH DOG“ ჰქვია და კარგი გაგებით ,,მოდარაჯე ძაღლის“ ფუნქცია უნდა ჰქონდეთ, ხშირ შემთხვევაში, გარკვეულ პოლიტიკურ პოზიციას იკავებდნენ. ბოლო პერიოდში, არა თუ ხშირ შემთხვევაში, არამედ მთლიანად პოლიტიკურ პლატფორმაზე გადაინაცვლეს.

თუკი ,,BBC“-ის სიუჟეტი მათთვის მიღებელია, ამ თემასთან დაკავშირებით განცხადებასაც არ აკეთებენ. მაგალითად, ,,დაველოდოთ გამოძიებას“. ეს სიტყვაც კი არ უთქვამთ. ეს წინადადებაც არ წამოცდენიათ, ვინაიდან იციან, რომ ეს არ არის მხოლოდ ჟურნალისტური გამოძიება, არამედ პროკურატურის გამოძიებასთან პარალელურად მიმდინარე პროცესი, რომელიც დღეს აისახა მედია-საშუალებაში და რასაკვირველია, განიხილება საგამოძიებო სტრუქტურებში“, – განაცხადა გიორგი ვოლსკიმ.

ავტორი
ნინი ხიჯაკაძე