ხვალ, საქართველოს პარლამენტში პლენარული სხდომა გაიმართება, სადაც განიხილება საგამოძიებო კომისიის შექმნის საკითხი. მოლოდინებთან დაკავშირებით კომენტარს აკეთებს პარლამენტის წევრი, რომან გოცირიძე:
,,ხვალ ჩვენ გვექნება სრული მობილიზება, მაგრამ არ არის გამორიცხული, რომ საბოტაჟი მოაწყოს უმრავლესობამ და თავად ჩაშალონ ქვორუმი ან უფრო განსხვავებულ გზას მიმართონ, ასე ვთქვათ – რბილს, რომ კენჭისყრა ჩაატარონ მაშინ, როდესაც არ იქნება სრული შემადგენლობით ოპოზიცია.
ამიტომ უნდა დავაკვირდეთ, მაგრამ როგორადაც არ უნდა ეცადონ, მთელი ამ კვირების განმავლობაში ხომ არ დაიმალებიან?! მაინც მოუწევთ ქვორუმის შექმნა. სხვა კენჭისსაყრელი საკითხებიც არის”, – განაცხადა რომან გოცირიძემ.
ავტორი
ნინი ხიჯაკაძე
