“რამდენიმე თვეა, რუსეთიდან დემპინგური ფასებით შემოსული სიმინდის და ხორბლის გამო, მოსთქვამენ ქართველი ფერმერები” – ირაკლი ოქრუაშვილი

თავდაცვის ყოფილი მინისტრი, ირაკლი ოქრუაშვილი საქართველოში რუსეთიდან დაბალ ფასებში შემოსულ მარცვლეულთან დაკავშირებით აკეთებს შეფასება-განმარტებებს:

“რამდენიმე თვეა, რუსეთიდან დემპინგური ფასებით შემოსული სიმინდის და ხორბლის გამო, მოსთქვამენ ქართველი ფერმერები, რადგან მათი ნაწვალები ჩაწვა და აღარ იყიდება.

უარესის ღირსები არიან, იმიტომ რომ ყველამ იცის, რუსეთიდან შემოდის ხერსონიდან რუსების მიერ მოპარული ხორბალი და სიმინდი, რომელშიც ვანიას არც მოხვნის, არც თესვის და არც სხვა არანაირი ხარჯი არ გაუღია და დაბალ ფასად მაგიტომ შემოაქვთ, თუმცა ამათ აზროვნება კოლმეურნეობის თავმჯდომარეების აქვთ ჯერ კიდევ და პირში წყალის ჩაგუბება ურჩევნიათ.

სამაგიეროდ ჩემს ნათქვამს – რუსეთის ბაზარზე ფეკალიებიც კი გაიყიდებაო, დღემდე ომახიანად განიხილავენ უარყოფით კონტექსტში“, – წერს ფეისბუქის პირად გვერდზე ირაკლი ოქრუაშვილი.