აშშ-ს საელჩო საქართველოში განცხადებას ავრცელებს 10 ქართველი მოსამართლის აშშ-ში საქმიან ვიზიტთან დაკავშირებით და პოზიტიურ შეფასებებს აკეთებს მათთან დაკავშირებით, დასანქცირებულ მოსამართლეებთან მიმართებაში დაფიქსირებილი ნეგატიური პოზიციის შემდეგ:
“ბიპოლარული აშლილობა მეწყება ურთიერთგამომრიცხავ ინფოებზე 
დალაგდით კაცო!
ან გვაგინეთ, ან გვაქეთ!” – წერს ფეისბუქის პირად გვერდზე ლალი მოროშკინა.
ინფორმაციისთვის – საქართველოში აშშ-ს საელჩოს განცხადება 10 ქართველი მოსამართლის საქმიან ვიზიტთან დაკავშირებით აშშ-ში:
“შეერთებული შტატები ამაყობს, რომ მხარს უჭერს საქართველოს შრომისმოყვარე, კეთილსინდისიერ, პროფესიონალ მოსამართლეებს, რომლებიც მუდმივად მზად არიან, დაიცვან და აღასრულონ კანონი ქართველი ხალხის საკეთილდღეოდ. აშშ-ის საელჩო ხელს უწყობს მოსამართლეებს, გაეცნონ საერთაშორისო გამოცდილებას და უზრუნველყონ ადამიანის ფუნდამენტური უფლებებისა და კანონის უზენაესობის დაცვა სასამართლო დარბაზებში.
USAID-თან პარტნიორობით, სამოქალაქო და ადმინისტრაციული სამართლის 10 ქართველი მოსამართლე საქმიანი ვიზიტით აშშ-ში იმყოფებოდა. ვიზიტი მიზნად ისახავდა გამოხატვის თავისუფლების ირგვლივ გამოცდილების გაზიარებას.
სასწავლო ვიზიტისთვის მოსამართლეების შერჩევა საკმაოდ კონკურენტული იყო. ღია კონკურსში მონაწილეობა სამოცმა კანდიდატმა მიიღო. შერჩეული მოსამართლეები საქართველოს შვიდ სხვადასხვა სასამართლოს წარმოადგენენ“, – ნათქვამია განცხადებაში.
