“ნებისმიერ სხვა დარგში რომ მიეღო ამ კაცს პრემია, არ იქნებოდა ისე ცინიკურად აღქმული, როგორც დემოკრატიისა და ადამიანის უფლებების განვითარების საქმეში შეტანილი წვლილისათვის” – მიხეილ სარჯველაძე მიხეილ სააკაშვილის “პრომეთეს” ჯილდოთი დაჯილდოებაზე

ადამიანის უფლებათა და სამოქალაქო ინტეგრაციის კომიტეტის თავმჯდომარე, მიხეილ სარჯველაძე მწვავე პოლიტიკურ შეფასებას აკეთებას პოლონეთის მიერ ლეხ კაჩინსკის სახელობის ,,პრომეთეს“ ჯილდოთი საქართველოს მე-3 პრეზიდენტის, მიხეილ სააკაშილის დაჯილდოებასთან დაკავშირებით:

,,მიხეილ სააკაშვილის თემაზე, როდესაც ან ფოტიგა, ან ვინმე აკეთებს განცხადებას და ამბობს, რომ ის არის დატყვევებული – მან აუცილებლად პასუხი უნდა გასცეს, მაგალითად, გირგვლიანი ოჯახს. სტრასბურგის სასამართლოსაც, რომელსაც ნათქვამი აქვს პასუხი ამ საკითხზე და გირგვლიანის თემა აქვს შეფასებული.

ნებისმიერ სხვა დარგში რომ მიეღო ამ კაცს პრემია, არ იქნებოდა ისე ცინიკურად აღქმული საქართველოში, როგორც ეს აღიქმება მაშინ, როდესაც საუბარი გვაქვს დემოკრატიისა და ადამიანის უფლებების განვითარების საქმეში შეტანილი წვლილისათვის.

ვისაც კადრი ახსოვს ,,იმედში“ რა მოხდა, ის არ შეიძლება უბრალოდ ნორმალურად აღიქვამდეს გარემოებას, რომ სააკაშვილს გადასცემენ ჯილდოს დემოკრატიის განვითარებაში შეტანილი წვლილისთვის“, – განაცხადა მიხეილ სარჯველაძემ.

ავტორი
ნინი ხიჯაკაძე