“არცერთ ჭორს და ცილისწამებას, როგორც წესი, არ ვპასუხობ, მაგრამ ყველაფერს ზღვარი აქვს!” – სალომე ზურაბიშვილი

საქართველოს პრეზიდენტი, სალომე ზურაბიშვილი მის წინაღმდეგ გავრცელებულ კონკრეტულ ჭორთან დაკავშირებით ემოციურ განცხადებას ავრცელებს:

“არცერთ ჭორს და ცილისწამებას, როგორც წესი, არ ვპასუხობ, რასაც ალბათ ამ 4 წლის მანძილზე თქვენც შეამჩნევდით… მაგრამ ყველაფერს ზღვარი აქვს! და მაინტერესებს სად, როდის და რა სიტყვებით ოდესმე შემიდარებია როდიონოვის ჩექმა და საქართველოს პოლიცია?! ან ასეთი შედარება რომელ ავადმყოფ ტვინში უნდა დაბადებულიყო?

ვინც ამას ავრცელებს ის შეურაცხყოფს სახელმწიფოს, მის ინსტიტუტებს და… საკუთარ თავს.

საერთოდ ტვინში, სულში და გულში რა უნდა ჰქონდეს ადამიანს, რომ ასეთი რამ მოიფიქროს და ჭორად ჩამოაყალიბოს!” – წერს ფეისბუქის საკუთარ გვერდზე სალომე ზურაბიშვილი.