“არა მარტო კონკრეტულ მოსამართლეებს, არამედ საზოგადოებასაც აინტერესებს ის ღია თუ დახურული ინფორმაცია და წყაროები, რომელსაც ეს გადაწყვეტილება ეყრდნობა” – მერაბ ტურავა 4 სანქცირებულ მოსამართლესთან დაკავშირებით

საკონსტიტუციო სასამართლოს თავმჯდომარე მერაბ ტურავა ჟურნალისტებთან კომენტარს აკეთებს აშშ-ს მთავრობის მხრიდან დაწესებულ სანქციებზე 4 ქართველი მოსამართლის მიმართ:

,,არა მარტო კონკრეტულ მოსამართლეებს, არამედ საზოგადოებასაც აინტერესებს ის ღია თუ დახურული ინფორმაცია და წყაროები, რომელსაც ეს გადაწყვეტილება ეყრდნობა.

იმედი მაქვს, რომ ქართულ მხარეს ექნება კომუნიკაცია, ურთიერთობები სახელმწიფო დეპარტამენტთან, ამერიკის მხარესთან.

შესაბამისად, ალბათ, ამ საკითხთან დაკავშირებით, უფრო ბევრ რამეს მოეფინება ნათელი. ისინი იტყვიან – ეს იყო რა მტკიცებულებებზე, რა ინფორმაციაზე დაყრდნობით მიღებული გადაწყვეტილება“, – განაცხადა მერაბ ტურავამ.

ავტორი
ნინი ხიჯაკაძე