10 დღის წინ, სოციალურ ქსელში, რონდელის ფონდის მკვლევარის, აღმოსავლეთმცოდნის, ისტორიის მეცნიერებათა დოქტორ ზურაბ ბატიაშვილის ემოციური პოსტი გამოქვეყნდა, ქალაქ იუსუფელის წყლით დატბორვასთან დაკავშირებით. დღეს კი იგი აქვეყნებს ასევე სევდიან პოსტს ქართულ ეკლესიასთან დაკავშირებით, რომელიც რამდენიმე დღეში დაიტბორება:
“ეს ჭალის ეკლესიაა ტაოში ქ. იუსუფელთან, რომელიც მდინარე ჭოროხის დაგუბების გამო რამდენიმე დღეში წყლის ქვეშ ექცევა.
ეკლესიასთან მისასვლელი გზები უკვე წყალქვეშაა მოქცეული და მის უკანაც მაღალი მთებია. იქ მისაღწევად გადაცურვა ერთადერთი ვარიანტი იყო.
ამიტომ დღეს გასაბერი ნავებით გადავცურეთ ნახევრად ავსებული წყალსაცავი მის ბოლოჯერ მოსანახულებლად.
გადავიღეთ მისი ფრესკები და წარწერები. ასე რომ არაფერი დაკარგული არაა. შემდეგ თაობებს ექნებათ მისი ელექტრონული ვერსია“, – წერს ფეისბუქის პირად გვერდზე ზურაბ ბატიაშვილი.
